Mbah Atmo Glendem {nge-blog}

Biyuh biyuh…

motoku klilipen tulisan iku sak enggon enggon..

neng dalan gatsu, gambar guedhe guedhe, tulisane podo :

ip nderis e will, nderis e wey..

lha aku yo bingung, trus iku gunane opo yo???

lha neng kompas jugak di pampang, iklan gedhen gedhen, tulisane podho.

lha aku bingung, wong sing pasang gambar lan iklan iku sugih temen yo?? sampek iso nuku iklan neng kompas sak halaman penuh, trus pasang baliho sak enggon enggon neng dalan dalan protokol ibukota…

lha, yen biaya pasang iklan iklan iku disumbangne, kanggo wong wong sing arepe milih dekne, kiro kiro gelem ora yo???

Bar sholat ashar, aku dikagetne suara montor pulisi sing mbrebeki kuping, mecahne gendang kuping, Tak delok seko ngomah…. ooooo… ono penjahat… eh penjabat liwat. Njaluk diwenehi dalan, njaluk didisikne , lan wong wong cilik kudu minggir, soale ora penting….

Neng bagean liyane, neng jawa timur, saiki calon calon penjahat gubernur eh pejabat sing arepe dadi gubernur, rebutan njaluk suarane rakyat, janji yen mengko yen dadi gubernur arepe mbela rakyat, arepe ndisikne rakyat lan dadi pengayom rakyat.

Neng bagean jawa liyane, wakil peresiden arepe ndelok pembagian BLT sing gedhene 100 ewu rupiyah sewulan. Kabeh padha bingung, pulisi pulisi padha siap siap, dalan dalan ora oleh macet, yen macet, JK kudu di dhisikne, kabeh kudu minggir, arepe ana "PEJABAT" lewat, soale liyane ora penting !!.

Tekan nggon, wong wong sing oleh KUPON BLT padha antri, uyel uyelan, trima nampa bantuan BLT sing gedhene padha karo rega voucher tilpun sing jenenge HP.

Aku dadi mikir, lha pas para pemimpin sing terhormat ngono iku, ndelok rakyate padha uyel uyelan, rebutan duwit sing ora patio akeh, sing kudu kanggo urip sewulan, ngono iku sing dipikirne apa ya???

Aapa ora Isin, yen para pejabat iku ngajak ajak rakyat kudu irit, mengemncangkan ikat pinggang, padahal opomeneh ngencangne ikat pinggang, lha wong pinggange wae wes entek, merga keluwen. Apa ora terbersit neng atine wong wong sugih kuwi sing wes diarani pejabat, yen upama sewulan wae, bayare dadi presiden utawa wakil presiden disumbangne wong wong mlarat iku, apa ndadekne mlarat pak wakil presiden po pak presiden yo???

Lha wong pemimpin kok njaluk didisikne, njaluk dihormati, apa apa kudu ndisik, trus mbesuk neng akherat piye yo tanggung jawabe?? 

Apa ora ngerti, akeh wong sing misuh misuh, pas dikon minggir karo rombongan penjabat sing lagi liwat. Lan kabeh padha ora ikhlas lan ridha????… lha yen wong wong sing dikongkon minggir iku ora ridha, njur dosane sing nanggung sapa ya???

Kudune Jeneng Negara Indonesia diganti ……

Mau bengi bar jagong bayi neng omahe Yu Painem, wong wong wes biasane mampir disik neng warunge Mbok Janem. Nyruput kopi rego limangatus repes sinambi mangan jadah goreng po gedang goreng sing regone telungatusan. Biasane sinambi ngopi, wong wong podho jagongan karo ngrembug mulai babagan sing ora penting babar blas, sampek ngermbug babagan negoro lan pulitik.

Sing aku seneng, mau bengi Mbah Darmo, ugo teko, pesen wedang kopi sing cingkir cilik, karo pesen gandos siji. Jare Mbah Darmo, negoro Indonesia iki ora bakale maju, yen durung ganti jeneng. Halah.. Mosok ???

Iyo,jare Mbah Darmo sing saben dinane bakulan pitik neng Pasar Kliwonan cedhak posan iku, Jeneng Indonesia iku ora pati apik, soale sing nemokake wong dudu Indonesia dewe, nanging malah wong monco, alias Londo.

Jare Mbah Darmo, Negoro Indonesia bakale maju, yen ganti jeneng dadi : Endonesa.

Babagan Hak Cipta, mengko Mbah Darmo ora bakalan cawe cawe utowo njaluk bagean , hahaha. Sing Penting jeneng Indonesia kudu diganti dadi Endonesa, sababe :

1. Jeneng Endonesia luwih gampang pangucapane.

2. Jeneng Endonesia, wes kerep dienggo karo wong wong tanpa sadar, yen sing di ucapke iku dudu Indonesia, nanging Endonesa, contone pas acara acara tinju, ana wong sing nyanyi lagu kebangsaan, nyanyine yo ora Indonesia Raya, tapi Endonesa Raya (yen iki aku kerep krungu, nanging ora duwe bukti rekamane)

3. Sing penting, jeneng Endonesa dudu jeneng sing ditemokne karo wong bule sing malah njajah negoro iki sampek elek.

4. Yen nyanyi ana acara upacara bendera utowo acara acara liyane, luwih gampang nyanyi Endoensa raya, ketimbang Indonesia Raya. Dijajal po???

5. Akeh, negoro sing gawe jeneng awalane E, dadi maju, nanging ora kalebu Ethipia karo Eritreia. (lho, kok eyelan to mbah??, hehe )

Aku ngrungokne wae guyonane mbah Darmo iki, soale ora mung lucu, nanging ugo lucu banget tur nggowo pesene wong wong dusun, Yen sejatine saya suwe uripe wong cilik saya angel, lan yen wes angel, guyonane dadi guyonan maton…

Piye Kisanak kabeh???, setuju opo ora yen idene Mbah Darmo iku kaleksanan?? suwun mbah, idene mau bengi tak lebokne blog ku , weheheheh…

Lha, piye ora bodho to kisanak…

1. wes ngerti nek parte iki, partei iku sing gawe rusake negoro, tetep ae dadi idolane.

2. Wes ngerti nek duwit sapirang pirang mung di enggo hambur hamburan wong wong sing ngaku "dewan terhormat", tapi isih wedi lan kalah rego neng ngarepe wong wong penjahat iku.

3. Wes ngerti nek jaman saiki jaman maju ngene, isih percoyo soal soal koyo ngene,ngene, lan ngene, malah aku mau ngrungokne neng ELSHINTA kok yo dibahas lan rembug to yo?, ngono yo kok dadi heboh banget to…???

Mesakne wong wong iku (mungkin kalebu aku ) mung di bodho bodhoni wae

Tapi bener jare wong wong sing pinter pinter kae, nek gak onok sing bodho, trus pinter kabeh, sopo sing arepe di bodhoni???? hehehe

Nanging, aku yo seneng, lha wong hape ku ora iso werno abang, soale hape jaman mbiyen, jamane Alexander Graham Bell

Kurang ajar…

goro goro rego minyak mentah larang/mundak, rego rego liyane podho melu melu mundhak.
Aku tuku kopi secingkir neng pojokan alun2 alun sebelah kulon magetan regone yo mundhak.
Yu Jum sing biasane menehi balen/susuk rongewu setengah, yen aku tuku kopi secingkir tambah gorengan 3, saiki kari menehi susuk 2000. Jare rego rego podho mundak, soale rego minyak mentah mundhak.

Lho lho lho…, tibake imbas mundhake rego minyak mentah neng ndonya wes tekan magetan jugak.
Jaman wes edan. Wong wong podho ngumbar nepsu, ngentek-entekne sumber sumber energi sing onok. Sing podho nduwe setir bunder, ora trimo nek ora puter puter sampek ngentekne 10 liter, sing nduwe montor roda loro, dho muter muter, bleyar bleyer ra karuan, mbakar energi ujud bensin ra kurang 2 liter sedino.

Nanging, jan jane sing paling boros energi yo negoro negoro maju kae.
Lha piye ra boros, yen mongso adem, gak onok siji ae omah sing ora pasang lan nguripke pemanas ruangan. Lha yen mongso panas, ora onok omah sing ora pasang AC.
Lha nek dibandingne neng negoro mlarat/berkembang yo jan jane njomplang bin adoh.
Negoro2 mlarat/ lan berkembang, bejone roto roto neng daerah sing ora kenek musim adem, dadine yo arang arang sing pasang pemanas utowo AC.

dadi jan jane, sing kurang ajar iku wong wong Barat kae, sing koar koar, bengak bengok nang negoro2 mlarat kon njogo alase. trus malah dewekne sing paling boros energi.

Kurang ajar!! jan jane aku arep kirim santet neng JOS BUS, ben ndang mati, trus ora ngopyak opyak Indonesia lan ora sok ngajari carane nandur wit neng Indonesia.

salam.

atmo glendem

Iki gremengane mbah atmo glendem mas-alah sing saiki lagi anget-angete.

kuwi lho, mas-alah aliran ahmadiyah, aliran agomo sing ngaku ngaku jenenge Islam, tapi ora ngakoni nek nabi sing pungkasan iku yo mung nabi Muhammad. Padahal, salah sijining rukun islam iku yo ngakoni menawa Gusti Alloh iku namung siji, lan  nabi Muhammad iku nabi pungkasan utusanipun Alloh.

Aliran iki lucu, aliran gaweane Inggris iki ngaku ngaku nek onok nabi anyar jenenge sopo iku, mirsa gulo amat, opo mirsa gulo mamat, wong aseli India sing dadi nabi pungkasane. hahaha…

 Lucune, aliran iki ngaku ngaku nek Islam,

lha ngaku ngaku nek Islam, trus ora ngaakoni opo sing dadi rukune lha podo wae goroh.

Sing luwih nggeregeti, wong wong sing agomo liyane, melu melu umuk babagan iki, melu melu omong sing mbingungne, padahal, sing ngerti opo iku rukun Islam, opo iku Islam, yo mung mung Islam dewe.

Nggawe alasan HAM, alasan HEM, opo alasan HOM, pokoke Ahmadiyah iku ajaran sing bener lan ak panunggalane.

Padahal, aku yakin, mbuh iku Hindu, Budho, Aliran Darmo Gandul, Kresten utowo Katolik, mesthine wong wonge ora lilo nek onok aliran sing nyimpang adoh, tapi ngaku ngaku nek dewekne iku Hindu, Budho, Aliran Darmogandul, Kresten utowo Katolik.

Goroh lan umuk, yen wong wong iku legowo, lilo, nek onok wong sing ngrusak agomone , mung meneng wae, terkecuali nek wong wong iku mung agomo KTP wae , mesthi dewekne yo biasa biasa wae agomone digawe guyon.

Para Sedherek….
Sakniki lagi usum pilkada….. magetan uga pilkadal, magetan… kenal opo ora magetan? iku lho, kutho cilik neng sak kulone madiun, neng sisih lore ponorogo lan sisih kidule ngawi…, nek ra ngerti yo kebacutt

Ngomong oong masalah pilkada, aku kok ora pati seneng karo pilkada (basa aluse, ora patio semangat melu melu umuk babagan pilkadal), amargo yo kuwi, aku ora melu dadi calone bupati utowo wakil bupatine. Menawa sing dadi calone klebu aku (mbah Atmo Glendem), yo mesthi, aku arepe koar koar, melu umuk lan ngumbar janji babagan pilkadal.

sing arepe tak gawe janji koyo dene:

1.janji arepe ngumpulke duwit, rekadaya ngumpulke duwitsing halal, kanggo nggawe rumah sakit gratis. Ben ora mung onok rumah sakit pavilliun sing mung dienggo wong sing sugih brewu kae.

1. janji arepe njakati bayaranku dadi bupati, minimal 2.5%, trus aku ora arepe numpaki tumpakan roda papat sing dicawiske kanggo aku, aku arepe mlaku wae, lha omahku kan yo cedak kabupaten magetan.

2. Janji arepe kerep mlaku mlaku tanpo pengawalan soko pulisi pulisi pamong projo, kerep blusukan neng pasar lan blusukan neng ndeso ndeso, melu jagongan karo wong cilik, tanpo ngerti deweke nek sing diajak jagingan iku bupatine. Lan ugo supoyo aku ngerti opo sing dialami sakbenere rakyatku.

halah, iku kabeh mung ngimpiku wae…..
tak kiro, ora onok calon bupati magetan sing arepe nduwe program koyok aku…

paling paling program sing arepe di dhisikne :

1. Piye carane biaya kampanye ku balik modal ????

krana iku… mbah atmo glendem ora pati seneng pilkadal, opo meneh melu dadi calone, sing bakale umbar janji, lan ora bakal klakon, hamung dadi dosa sing ora bisa diilangi..

mugo mugo wong wong podho sadar…

Mbah atmo Glendem
09/04/08

Mbuh iki, negoro arepe di gawa neng ngendi? Lha saiki para anggota DPR sing terhormat, malah gawe ada ada,

saiki arepe digawe aturan, bekas bromocorah bekas wong ukuman  oleh dadi anggota dewan lan oleh dipilih.

lha nek panemuku, lha wong tonggoku wae, siang arepe nglamar dadi tukang parkir neng mall, kudu nggawe SKKB, kudu ora pernah diukum.

Lha saiki , wong sing arepe gawe aturan, arepe gawe regulasi, kok malah wong sig wes pernah ke ukum, wes tau nglakoni pegawean sing ora bener lan diukum, kok malah dipromosi dadi anggota dewan lan oleh kepilih…

Opo ben mengko, nek kepilih, ben iso nyolong meneh, korupsi meneh lan sing ada ada, sing usul aturan iki (ngolehi wong bekas ukuman oleh dadi dewan) njur di wenehi bagean???

ketoke ngono, tulung tinulung mring podho podho malinge  

    Nek Sampeyan kabeh tau dolan neng jakarta, mesthi pertama arepe ndelok tugu monas. Trus poto poto neng ngarepe, trus di apdrekne, trus dipamerke neng tonggo teparo lan ujar " ki lo, aku wes tekan jakarta, buktine iki, potoku neng tugu monas"——-> yo pora?? ngaku nek iyo!

    Tapi, sing paling gawe miris atiku (soale aku weruh bendino), Jakarta soyo ra karu karuan.

Nek udan paling mung 3 jam wae, macete mesthi dowo, dawane ngalah ngalahi pawai suronan neng nggonku deso. Mobil roda papat dho dipasangi emblem, gambare lambang garuda kuning, sing kerep dienggo poro anggota wakil rakyat, tapi klakuane koyok wedus kabeh… srogal srogol,. Lha piye ora koyo wedhus,  nek mobile onok templekane garuda kuning iku, utowo plate nomer onok B **** BP, onok BP ne utowo, B**** BS, mesthi koyok wedus, (ora kabeh tapi). Rambu tanda ora oleh puter balik utowo belok, gampang ae mobil plat nomer iku mak klinger, belok sak karepe dewe, padahal mburine dho ngenteni dowo… Duh Gusti !!

 Meneh, saiki Jamane Kang Fauzi Bowo, sing jare wes ahli, malah ora ahli blass, (mbuh ahli opo, aku ra ngerti)

Lha piye, lha dalan Busway sing kudune seteril, khusus kanggo dalan bis baswe, saiki diolehi dilewati mobil pribadi, montor pribadi.

Aku mesakke wong wong sing wes susah susah tuku tiket baswe, kudu melu macet, soale dalane dibeki metromini, montor lan mobil pribadi. Lha ngene ki pora podho wae ndolimi wong liyan, sing nduwe hak lewat dalan baswe mau.

Mungkin, kebijakane Fauzi iku goro2 Fauzi ra tau numpak Baswe, numpak ae paling2 mung arang kading tur wes di cepake ben ra macet….

Njur , sing bodho sopo yo?…. 

Mugo2 wong2 sing dho pengguna baswe ora dho ndongakne sing elek elek kanggo Fauzi iki.

Nanging, penjalukku, kudune Fauzi yo tegas, ra uclak ucluk, plenta plente… bedo karo Sutiyoso

Nek baswe yo baswe, kanggone baswe, ra kakehan aturan sing sumir.

Nek tetep koyok ngene, mending sampeyan kabeh numpak mobile dewe2, lan pesenku ojo sedan, mending jip ae hartop, ben bebas banjir. Njur rame rame lewat dalan baswe….Mumpung oleh.

Lan ojo numpak Baswe neng Jakarta, PODHO Wae Hasile.. 

Ra kepikiran aku nulis judul neng nduwur, soale aku yo ora kroso aku nek bodho, opomaneh ngarani aku pinter,
Lha wong mbah atmo glendem ki mung protholan SR, nganti tekan kelas 3. Njur tau sekolah kejar paket a, tapi lali tekan tingkat piro.

Aku dewe bingung sak bingung bingune karo gopermen saiki. Lha piye ra gawe bingung ku, Jare tiap tahun negoro utowo gopermen nekak ke kedhele soko negoro monco, sak pirang pirang cacahe, kanggo
nutup kekurangan kebutuhan kedhele sing jarene (mbuh genahe, wong aku yo mung ngrungokke ae, lan ora nganti ngliping korane)tiap tahun ra kurang seko 1 juta ton kurang… biyuh byuh .
Jumlah semono kuwi kudu ditekakke (boso kasare kudu dituku nganggo duwit) neng amerika kono. Lha jamak lumrahe, nek jumlah barang iku kurang neng pasaran , kudune rak regane neng pasar "apik", maksudku regone kedhele neng pasar kudune apik, nanging opo sing ono neng kasunyatan?
Kedhele sing tak tandhur regane ra tau nganti apik, paling ngepol 3500 ewu sak kilone, iku ae lah ngedol nganti tekan njobo ndeso. Dadi,Mbah Atmo glendem (aku dewe), trus wong wong tani kabeh wegah to, mbelan-mbelani nandur dhele, lha wong regane elek, tur nandure yo ora gampang (nandur kedhele iku gampang kenek uler, lan nek awak apes, wite kedhelene subur, nanging isine kopong)
Aluwung nandur jagung, utowo nandur kacang brol sing gampang  nandure, regane mesthi sak nduwure kedhele. Njur uwite kenek dienggo pakan sapi po wedus.

Lha, saiki sing bodho sopo yo? jare gopermen isine wong pinter pinter malah onok sing tulisan neng ngarep lan mburine jenenge sak renteng (mbuh, jenenge opo, jare iku jenenge gelar), onok sing Ir  (meh podho jeneng pari), Drs,  Msc, MT, MBA mbuh wuakeh sampek aku bingung, (opo iki brarti sing nggowo jeneng mau arepe ngetok-ake jenis pari anyar ngono?). Trus pintere ngendi yo?
Kudune gopermen iku yo ngerti rego neng ngisoran, rego sing sak temen temene, rego sing sak bener benere, njur iso ngrekodoyo, piye amrih wong tani seneng nandur kedhele (kerana regone apik, rabuk lan anti hama cumepak kanthi rego terjangkau, lsp), lan akhire negoro gak usah ngimpor ngimpor kedhele.

Lha, nek koyok saiki ngene iki, kuabeh bubrah kabeh. Piye ora bubrah, wong keadaane koyok ngene :
1. Wong tani wegah nandur kedhele, mergo regone yo ra apik, nandure angel, tur umpamane nandur, nek panen, regone yo mesthi kalah karo sing jenis impor, ujude barang ugo kalah karo barang impor, dadi masiyo nandur yo percuma, akhire konsumen milih kedhele impor sing luwih gedhe2 (padahal asile soko opo kuwi, trans genetik utowo opo kuwi).
2. Wong Jowo lan Endonesia senengane jek mangan tempe tahu, njur dhele ne seko sopo?
3. Saben tahun, gopermen ngguwak duwit kanggo nukoni kedhele sing arepe dienggo nutup kebutuhan neng Endonesia, cacahe nek di kurs ne neng rupiah, iso puluhan milyar.
4. Saiki malah wong sipit2, wong sopot2, wong sepet2 dho digampangke ngimpor kedhele, malah ra kenek pajek babar blas, alias pokoke mlebu metu pelabuhan nek diomong iku dhele, yo ra ditarik pajek (penak tenan), Lan elingo, sing iso ngatur rego rak yo importir iki, seko kono regane piro, teko kene regane piro, mung Gusti karo importire dewe sing ngerti. (mumet pokoke.)
5. Tekan mangsane saiki wong kene tuku kedhele , raiso mangan tempe nek ora tuku nganggo dollar, Duwit sapirang pirang mung diweneh ne neng wong amerika sing kerep di pisuh pisuhi mahasiswa, dipisuh pisuhi demonstrans anti Israel, (tapi bar pisuh pisuh, bengak bengok demo, nek wes luwe njur mangan neng warteg, nek gak onok tempe ora marem, jur lali, nek tempe iku mau yo teko sing dipisuhi mau )
6. Lha umpama saiki, negoro niat mbangun wong tani, nulungi wong tani, kudune yo:
                    1. Piye amrih regane kedhele apik, wong wong dho nandur kedhele , njur devisa negoro ora diguwak neng ngendi ngendi, iso di enggo mbangun sekloha sekolah, menehi subsidi sekolah ben sekolah ra mbayar babar blas alias gratis
                    2. Wong tani di cepakne winih winih kedhele sing unggul, sing hasile ora kalah karo kedhele tukon seko amerika, ben mengko nek panen ora kangelan ngedole
                    3. Nek jek wedi karo wong tani, (wedi nek mengko disilihi duwit njur digowo mlayu, padahal, malah wong cilik iku paling disiplin nek babagan utang, ra koyo cino cino bajingan sing nggowo mlayu duwit nganti trilyunan  kae), bentuk sumbangane diwujudne bibit wae, ojo duwit.
                    4. Di cepakke ugo, penunjang penunjang liyane, koyok penyuluh2 pertanian kanggo ngancani wong tani nandur kedhele, ben hasile apik. Ugo rabuk lan anti homo penyakit ugo dicepakke, minimal neng pasaran gampang digoleki lan ora larang larang banget.
                    5. Impor kedhele dibatasi, ben wong tani ora mati.  Nek impor digedekne, sing gedhe wetenge yo mung importir importir kae.
                    6. Di data, daerah daerah sing potensi kanggo nandur dhele iku diupayakke iso nandur dhele meneh, lan ora nandur komodtas liyane sing " ora pati perlu" utowo "ora dipangan bendino karo wong akeh"
                    7.Aku dhewe haqul yakin, duwit sing diguwak guwak kanggo impor kedhele iku nek di enggo mbantu wong cilik ben iso nandur kedhele dewe kanthi apik lan hasil sing apik , mesthi isih luwih, utowo cukup. Njur saiki sing dibelani sopo? wong cilik po importir????
                    8. Malahan, iso gawe lapangan kerjo anyar, negoro iso ngrekrut tenogo tenogo anyar kanggo penyuluh, dadine duwit ora mung gawe nyugihake sabagian wong wae.
                    9. Nek kabeh iku ora iso dilaksanakke, yo, kari ngenteni matine wong cilik.Wong cilik, wong tani saiki podho sambat, tapi sambate ora tau dirungokne, mung dirungokne pas  kampanye thok !!, Nek musim ngene iki, gak onok sing kenek diandalke,
                       wong tani aluwung nyekolahke anake wae, ben mengko ora dadi wong tani meneh (kanggone wong tani sing sugih), lan akeh wong tani sing nyekolahke anake neng penampungan penampungan TKI, njur budhal dadi TKI neng Arab lan Malingsial, ben tetep iso mangan.
                    10. Lha nek, awak kepenak lan ora apes, tiap 3 wulan pisan iso dikirimi anake duwi ringgit utowo riyal, kenek kanggo tyku sapi lan mbangu omah
                    11. Nek lagi apes, paling paling yo mulih kari mayit, mati. Malah kadang mulih awak bengep loro kabeh, kadang edan kerana diajar majikane, Tapi yo iku resikone wong cilik.
                    12. Intine, wong tani saiki wes entek roso wedine, isine wani mati, wani budhal dadi TKI yo wani mati, lha ora onok sing sio diandalke seko sawahe.

mugo mugo gopermen ora bodho bodho nemen….
mugo mugo… ayo kanca podho ndedonga….Fatihah ping 3x…

Mbah Atmo Glendem